طبي لابراتوارونه
د طبي لابراتوارونو عمومي پېژندنه
د ملي پوهنتون د طبي لابراتوارونو څانګه د طبي علومو د عملي زدهکړو او مسلکي مهارتونو د پیاوړتیا لپاره په معیاري وسایلو او مجهزو لابراتوارونو سمبال علمي چاپېریال برابروي، دغه لابراتوارونه محصلانو ته د نظري زدهکړو تر څنګ، د معایناتو، تشخیص، څېړنې او عملي تمرینونو له لارې د عملي زدهکړو زمينه برابروي، چې هغوی خپلې علمي وړتیاوې لوړې کړي، د متخصصو استادانو تر لارښوونې لاندې ترسره کېدونکي عملي فعالیتونه د دې لامل ګرځي چې محصلان د روغتیايي خدمتونو په ډګر کې له معاصرو علمي معیارونو سره سم په مسلکي توګه وروزل شي.
د تدریس او څېړنې په بهیر کې د لابراتوارونو رول
لابراتوارونه د طبي زدهکړو له مهمو او بنسټیزو برخو څخه ګڼل کېږي، ځکه محصلان د نظري مفاهیمو تر زدهکړې وروسته په عملي ډول د علمي موضوعاتو د درک او تطبیق فرصت ترلاسه کوي. د لابراتوارونو له لارې محصلان د بېلابېلو معایناتو، ازموینو، نمونو تحلیل او تشخیصي کړنو عملي مهارتونه زده کوي او د راتلونکي مسلک لپاره اړینې وړتیاوې پیاوړې کوي.
پر تدریسي ارزښت سربېره، لابراتوارونه د علمي څېړنو او نوښتونو لپاره هم مناسب چاپېریال برابروي، دلته استادان او محصلان کولای شي د لابراتواري امکاناتو په مرسته خپلې څېړنیزې پروژې ترسره کړي، علمي ستونزې وڅېړي او د روغتیايي علومو په بېلابېلو برخو کې نوي موندنې وړاندې کړي، همدارنګه لابراتوارونه د څېړنیز مهارت په پیاوړتیا کې مهم رول لري.
د ملي پوهنتون طبي لابراتوارونه د معیاري تجهیزاتو، عملي روزنې او څېړنیزو اسانتیاوو په مټ هڅه کوي چې محصلان د علمي او مسلکي وړتیاوو له پلوه د روغتیايي سکټور د اړتیاوو مطابق وروزي او د علمي څېړنو د ودې لپاره مناسب فرصتونه رامنځته کړي.
د ملي د لابراتورونو نوملړ:
- د کیمیا لابراتوار
- د فزیک لابراتوار
- د فزیولوژي لابراتوار
- د بیولوژي لابراتوار
- د پتالوژي لابراتوار
- د اناتومي لابراتوار
- د بیوشیمي لابراتوار
- د سیمیولوژي لابراتوار
- د مایکروبیولوژي لابراتوار
- د پرازیتولوژي لابراتوار
- د هستولوژي لابراتوار
- د امبریولوژي لابراتوار
ترسرهکېدونکې معاينې:
- Hbs Ag
- HCV ab
- HIV Ab
- Ict TB IgG& IgM
- Typhoid at IgG & IgM
- MP
- Brucella BA
- Brucella BM
- Sugars
- Cholesterol
- Triglyceride
- Total Bilirubin (bilirubin-Dic Bilirubin-Indirect)
- SGPT
- SGOT
- Alkaline Phosphatase
- Urea
- Creatinine
- Calcium
- Uric Acid
- Stool Exam
- Stool Pylori
- Urine Exam
- Blood Group
- Mon tax
- VDRL
- ASO
- CRP
- RAFACTOR
- `CBC