د حقوقو ډيپارټمنټ
د ملي پوهنتون د حقوقو او سیاسي علومو پوهنځي د حقوقو ډيپارټمنټ د دې علمي بنسټ له جوړېدو راهیسې د افغانستان د لوړو زدهکړو وزارت له معیارونو سره سم، د حقوقو او سیاسي علومو په برخو کې د نوښتګر او ژمن تدریسي بهیر له لارې فعالیت کوي. دغه ډيپارټمنټ په ۱۳۹۱ هـ.ش کال کې د حقوقو او سیاسي علومو پوهنځي په چوکاټ کې د قضا او څارنوالۍ په نوم خپل فعالیت پیل کړ. په ۱۴۰۲ هـ.ش کال کې د پخواني او نوي نصاب تر ارزونې او پرتله کولو وروسته، د حقوقو ډيپارټمنټ په نوم ونومول شو.
ياد ډيپارټمنټ
تر اوسه ګڼ شمېر محصلان فارغ کړي، چې ډېری یې په دولتي او نادولتي ادارو کې په
دندو بوخت دي. دا څانګه د محصلانو د
ظرفیت لوړونې په موخه په هر سمستر کې علمي سیمینارونه او تخصصي پروګرامونه جوړوي
چې د هېواد مخکښ استادان او متخصصین پهکې
ګډون کوي.
ډيپارټمنټ ژمن دی چې د درسي سرچینو او کتابونو د برابرولو، د علمي آثارو د
تألیف او ژباړې له لارې د محصلانو علمي اړتیاوې پوره کړي. تر اوسه یې لسګونه
محصلان د افغانستان علمي او فرهنګي ټولنې ته وړاندې کړي دي. دغه ډيپارټمنټ د
دوکتورا او ماسټرۍ لرونکو استادانو په مټ د محصلانو نظري او عملي روزنه ترسره کوي
او د محصلمحوره تګلارې له مخې هڅه کوي چې محصلان په علمي او اکاډمیکو فعالیتونو
کې فعاله ونډه واخلي او د مسلکي ژوند لپاره چمتو شي.
لنډه مخینه
ملي پوهنتون د ۱۳۹۱ هـ.ش کال د وږي میاشتې په ۲۱مه نېټه د (۳۸۷) شمېرې رسمي
جواز پر بنسټ تأسیس شو او د یوه خصوصي تحصیلي بنسټ په توګه یې په درېیو څانګو کې
خپل فعالیت پیل کړ.
د حقوقو ډيپارټمنټ د پوهنتون له لومړیو ورځو راهیسې د حقوقو او سیاسي علومو
پوهنځي په چوکاټ کې علمي خدمتونه وړاندې کوي. دغه ډيپارټمنټ د هېواد او خلکو د
خدمت لپاره د متخصصو کدرونو د روزنې تر څنګ، د محصلانو د استعدادونو د ودې او
غوړېدو لپاره مناسب علمي چاپېریال هم برابر کړی دی. د هوښیارو، وړ، ژمنو او متخصصو
محصلانو روزنه د دې ډيپارټمنټ له مهمو لومړیتوبونو څخه ده.
په ۱۴۰۳ هـ.ش کال کې د قضا او څارنوالۍ ډيپارټمنټ نوم د حقوقو ډيپارټمنټ ته
بدل شو. دغه بدلون د علمي جوړښت د پیاوړتیا او د عصري اړتیاوو سره د نصاب د همغږۍ
په موخه ترسره شو.
اوسنی وضعیت، فعالیتونه او اسانتیاوې
هره تعلیمي اداره چې د پراختیايي پروګرامونو د طرحې او پلي کولو هوډ لري،
باید لومړی خپل اوسنی وضعیت او جوړښت په دقیقه توګه وارزوي. دا ارزونه د راتلونکو
موخو د ټاکلو او د اغېزمنې لارې نقشې د جوړولو بنسټ برابروي.
له همدې امله، د حقوقو ډيپارټمنټ د اوسني وضعیت لنډه ارزونه وړاندې کېږي.
دغه ډيپارټمنټ د یوه آمر تر مدیریت لاندې، د لوړو زدهکړو قانون او د لوړو زدهکړو
وزارت د نافذو لوایحو، مقرراتو او طرزالعملونو له مخې فعالیت کوي او دا مهال د
خپلو علمي او تعلیمي موخو د تحقق لپاره په بېلابېلو برخو کې هڅې ترسره کوي.