د سياسي علومو او نړۍوالو اړيکو ډيپارټمنټ
د ملي پوهنتون د حقوقو او سیاسي علومو پوهنځي د سیاسي علومو او نړیوالو
اړیکو ډيپارټمنټ د افغانستان د لوړو زدهکړو وزارت له معیارونو سره سم، د سیاسي
علومو او نړیوالو اړیکو په برخه کې د علمي او مسلکي زدهکړو د وړاندې کولو لپاره
فعالیت کوي.
دغه ډيپارټمنټ تر اوسه ګڼ شمېر محصلان فارغ کړي دي، چې ډېری یې په دولتي او
نادولتي ادارو کې دندې ترسره کوي. د محصلانو د علمي ظرفیت د لوړولو لپاره په هر
سمستر کې علمي سیمینارونه، ورکشاپونه او تخصصي پروګرامونه جوړوي.
ډيپارټمنټ ژمن دی چې د درسي سرچینو، علمي کتابونو، تألیفاتو او ژباړو له
لارې د محصلانو علمي اړتیاوې پوره کړي. تر اوسه یې لسګونه محصلان د هېواد علمي او
فرهنګي ټولنې ته وړاندې کړي دي. دغه ډيپارټمنټ د دوکتورا او ماسټرۍ لرونکو
استادانو په مرسته د محصلانو نظري او عملي روزنه ترسره کوي او د محصلمحورې تګلارې
له مخې د هغوی علمي او مسلکي وړتیاوو د پیاوړتیا لپاره هڅې کوي.
لنډه مخینه
ملي پوهنتون د ۱۳۹۱ لمريز کال د وږي میاشتې په ۲۱مه نېټه د (۳۸۷) ګڼه رسمي
جواز پر بنسټ تأسیس شو او د یوه خصوصي تحصیلي بنسټ په توګه یې خپل فعالیت پیل کړ.
د سیاسي علومو او نړیوالو اړیکو ډيپارټمنټ له پیل راهیسې د حقوقو او سیاسي
علومو پوهنځي په چوکاټ کې فعالیت کوي او د هېواد د اړتیاوو مطابق د متخصصو او ژمنو
کدرونو په روزنه کې مهم رول لوبوي. دغه ډيپارټمنټ د استعدادونو د ودې او علمي
پرمختګ لپاره مناسب چاپېریال برابر کړی او د خپلو علمي، ملي او ټولنیزو مسؤلیتونو
د ترسره کولو لپاره خپلو هڅو ته دوام ورکوي.
تر اوسه یې اووه دورې فارغان د نارینه او ښځینه محصلانو له ډلې څخه ټولنې ته
وړاندې کړي دي.
اوسنی وضعیت، فعالیتونه او اسانتیاوې
د سیاسي علومو او نړیوالو اړیکو ډيپارټمنټ د یوه آمر تر مدیریت لاندې، د
لوړو زدهکړو قانون او د وزارت د نافذو مقرراتو او کړنلارو له مخې فعالیت کوي. دغه
ډيپارټمنټ دا مهال د خپلو علمي او تعلیمي موخو د تحقق لپاره بېلابېل پروګرامونه او
فعالیتونه پرمخ وړي.