د مشورې مرکز پېژندنه
د تېرو څو لسیزو پېښې او د ژوند د ماشيني او برېښناييکېدو چټک بهیر داسې بدلونونه رامنځته کړي، چې نننی انسان په یوازې ځان د هغو د درک او حل توان نه لري، له همدې امله، د ټولنې د افرادو د همغږۍ لپاره له نوو شرایطو سره، د مشورې کارول یوه نه انکارېدونکې اړتیا ده، د ملي پوهنتون د مشورې مرکز یو متمرکز مرکز دی، چې د ملي پوهنتون د محصلانو او ټولو هغو کسانو د رواني روغتیا لپاره فعالیت کوي چې مشورې ته اړتیا لري.
دا مرکز په ۱۴۰۳ کال کې په ملي پوهنتون کې خپل فعالیت پیل کړ او په بېلابېلو
برخو لکه: فردي مشوره، ډلهییزه مشوره، د کارآموزانو منل او روزنه، د مشاورینو او
ارواپوهانو د مسلکي مهارتونو پراختیا، رواني علمي څېړنې، رواني سنجش او نورو برخو کې کار
کوي، چې ټول فعالیتونه د ملي پوهنتون د مشورېورکولو د مرکز تر څارنې لاندې ترسره کېږي.
دا مرکز د محصلانو چارو د معاونیت له
وړاندیز وروسته او د پوهنتون د رهبري او علمي شورا له تایید سره په ۱۴۰۳ کال کې د ملي پوهنتون په انګړ کې خپل کار پیل کړ.
د مشورې مرکز
لیدلوری
د ملي پوهنتون د مشورې مرکز یو معیاري
او فعال مرکز دی، چې د رواني او رفتاري ستونزو په مخنیوي، کمولو او درملنه کې کار
کوي او همدارنګه د مشورې او ارواپوهنې د څانګو محصلانو او فارغانو ته د عملي او
مسلکي تجربو زمینه برابروي.
د مشورې مرکز
موخې
- د ملي
پوهنتون او د ښوونې او روزنې پوهنځیو محصلانو او فارغانو ته د ستاژ په موده
کې د عملي کار زمینه برابرول.
- د
روزنیزو پروګرامونو له لارې د رواني، عاطفي، رفتاري او تعلیمي ستونزو مخنیوی.
- د
محصلانو د رواني روغتیا او پوهې د لوړولو لپاره د روزنیزو سیمینارونو جوړول.
- د رواني
اختلالاتو او زیانمنو عواملو په اړه پراخې څېړنې.
- د ټولنې
د اړتیاوو په نظر کې نیولو سره د مشاورینو مسلکي مهارتونه پیاوړي کول.
- تر
واده دمخه، ګډ او کورني ژوند اړوند مشورې وړاندې کول.
- د
محصلانو لپاره تحصیلي مشورې وړاندې کول.
- د
رواني، عاطفي، رفتاري او تعلیمي ستونزو کمول او درملنه.
- د ژوند
مهارتونو زدهکړه د علاقمندانو لپاره.
- د
مشاورینو لپاره د ځان ساتنې خدمتونه وړاندې کول.
د مشورې مرکز
فعالیتونه
دا مرکز خپل فعالیتونه په دوو اساسي
برخو کې تنظیموي:
-
د رواني زیانونو د عواملو پېژندنه او
د مخنیوي او درملنې خدمتونه وړاندې کول، څو د ټولنې د ټولو قشرونو رواني ستونزې
راکمې شي.
-
د مشاورینو د رواني سلامت ساتل او د هغوی
د مسلکي مهارتونو پراختیا.
د دې فعالیتونو عمومي موخه د ټولنې د
افرادو د رواني روغتیا او رواني پوهې لوړول دي.
د مشورې
ناستې
په دې مرکز کې مشورې په دوه ډوله
ترسره کېږي: فردي او ډلهییزې، چې دواړه د مسلکي او اخلاقي معیارونو او د اسلامي
امارت د رواني روغتیا د اصولو په چوکاټ کې ترسره کېږي.
۱. فردي مشوره: هغو کسانو ته
ځانګړې ده چې غواړي په شخصي ډول له مشاور سره خبرې وکړي، دا مرکز د مراجعینو د معلوماتو د محرمیت په ساتلو کې شرعي او
مسلکي مسئولیت لري.
۲. ډلهییزه مشوره: هغو کسانو ته
برابره ده چې غواړي په کوچنیو ډلو کې له نورو سره یو ځای د ځان پېژندنې، حافظې
پیاوړتیا، د استرس او د امتحان اضطراب د کنټرول په څېر موضوعاتو کې برخه واخلي، د ګډونوالو اعظمي شمېر له مشاور پرته شپږ تنه ټاکل شوي دي.