د پوهنتون د رياست په اړه

د پوهنتون د رياست په اړه

د ملي پوهنتون د عمومي ریاست بست د خصوصي پوهنتونونو د مقرراتو د ۲۲مې مادې د حکم پر بنسټ رامینځته شوی او په پوهنتون کې تر ټولو لوړ اجرایوي مقام ګڼل کېږي، چې د پوهنتون د علمي، څېړنیزو او اداري چارو د رهبري او مدیریت لپاره اساسي رول لري. د دې بست موخه دا ده، چې د پوهنتون مرستیالان، پوهنځي او نورې ادارې په منظمه توګه وڅاري او همغږي یې کړي، تر څو د هېواد په کچه د زده‌کړې د کچې د لوړولو لپاره د پوهنتون د څېړنیزو، علمي او کلتوري پالیسیو طرحه او تطبیق په مؤثره توګه یقیني شي. د ملي پوهنتون رییس د امنأ هیئت له لوري د علمي شورا او د لوړ زده‌کړو وزارت په تایید ټاکل کېږي او د پوهنتون د ټولو فعالیتونو عمومي مشري ترڅنګ د پوهنتون د ستراتیژیکو، علمي او اداري چارو د سازمان، نظارت او همغږۍ مسؤلیت یې په غاړه دی، چې اساسي دندې یې په لاندې ډول دي:

تخصصي دندې:

1. د استادانو او محصلانو د ظرفیت لوړولو لپاره د علمي، څېړنیزو او تحصیلي پالیسیو طرحه، تطبیق او ارزونه.

2. د تقنیني اسنادو له مخې د تدریسي میتودونو، نصاب تطبیق او علمي پروګرامونو څارنه.

3. د علمي، رهبرۍ او اداري شوراګانو مشري او د پرېکړو د تطبیق نظارت.

4. د اکاډمیک نظم د تأمین او د سالم علمي چاپېریال د ودې لپاره د پلانونو جوړول.

5. د محصلانو لپاره د مناسب تحصیلي چاپېریال او درسي منابعو برابرول.

6. د پوهنځیو د علمي شوراګانو د پرېکړو ارزونه، تأیید یا رد.

7. د تدریسي او څېړنیزو سیسټمونو د پراختیا لپاره له ملي او نړیوالو ادارو سره د همکاریو پراختیا.

8. د قوانینو له مخې د مرستیالانو او علمي/اداري مسؤلینو د ټاکنې او دندو سپارلو په اړه پرېکړې.

9. د پوهنتون د علمي، اداري، مالي او پرمختیایي فعالیتونو د کلني راپورونو ترتیب او وړاندې کول.

10. د عوایدو او لګښتونو په اړه اړوندو مراجعو ته راپور ورکول.

11. په ملي او نړیواله کچه د پوهنتون د اعتبار او علمي مقام د لوړولو لپاره هڅې.

12. 1د حکومتي او غیرحکومتي ادارو پر وړاندې د پوهنتون رسمي استازیتوب.

13. د امنأ هیئت او د شوراګانو د پرېکړو د تطبیق څارنه.

14. د کارکوونکو او استادانو د ګمارنې، ترفیع او انفکاک په اړه وروستۍ پرېکړه.

15. د عملیاتي او ستراتیژیکو پلانونو د جوړولو لارښوونه او د تصویب لپاره وړاندې کول.

16. د شوراګانو په ترکیب کې د اړتیا پر بنسټ تعدیلات راوستل.

17. د کارکوونکو د کړنو ارزونه او د کیفیت لوړولو لپاره لازم اقدامات.

مدیریتي دندې

18. د ادارې د اهدافو د تحقق لپاره د پلانونو جوړول او تنظیم.

19. د پوهنتون د عمومي فعالیتونو او څانګو څارنه او ارزونه.

20. د قوانینو مطابق د مالي او اداري چارو کنټرول.

21. د بشري سرچینو اړوند اجراآتو (ګمارنه، ترفیع، تقاعد) څارنه.

22. له اړوندو ادارو سره د همغږۍ تأمین.