د پوهنځي لنډه تاريخچه
د ملي پوهنتون د ستوماتولوژي پوهنځی د ټولنې د اړتیاوو او د مسلکي ډاکترانو د روزنې په موخه، پر کال ۱۳۹۱ لمريز په رسمي ډول خپل فعالیت پیل کړ، دغه پوهنځی د لوړو تحصیلي سندلرونکو، مجربو او ژمنو استادانو په مرسته، محصلانو ته له نوېو تدریسي میتودونو سره سم، معیاري زدهکړې ورکوي.
ياد پوهنځي تر دې دمه اته دورې بریالي فارغان ټولنې ته وړاندې کړي دي چې اصلاً درسي برنامه يې د یوه منظم او معياري نصاب پر بنسټ جوړه شوې او د شپږو کلونو په موده کې د غاښونو طبابت ډاکترۍ (DMD) تر درجې پورې بشپړېږي، دا نصاب د افغانستان د عامې روغتیا، د ملي لوړو زدهکړو پوهنتون د امکاناتو او د ټولنیزو او اقتصادي شرایطو په نظر کې نیولو سره چمتو شوی دی.
اوسنی درسي نصاب ټولټال ۲۲۱ کریډیټه لري، چې له دې جملې ۱۸۵ کریډیټه نظري مضامینو او ۳۶ کریډیټه د ستاژ دورې ته ځانګړي شوي دي. دا تعلیمي – اکادمیکه شپږ کلنه برنامه، چې د DMD درجې ترلاسه کولو ته لاره هواروي، د ستوماتولوژۍ په برخه کې د نوښتونو او علمي پرمختګونو پر بنسټ طرحه شوې ده، د دې برنامې اساسي تمرکز د محصلانو پر مسلکي روزنې، د هغوی د تخصصي مهارتونو پر لوړولو او د هېواد د اساسي اړتیاوو پر پوره کولو راڅرخي.
ارزښتونه
| ستراتيژيک پلان | له دې ځايه يې ښکته کړئ! |