د 1404 خزاني کانکور عمومي آزموينه، د پراخ گډون يوه کم‌سارې ننداره

"موږ د خپلو محصلانو باور ساتو او هره ممکنه آسانتيا ورته برابروو."

 نن د ملي د لوړو زده‌کړو موسسې د خزاني کانکور عمومي آزموينه په برياليتوب ترسره شوه، چې پکې د هېواد له بېلابېلو سيمو د دولسمو ټولگيو گڼو فارغانو گډون کړی و.

 د آزموينې د شفافيت او روڼتيا د تامين په موخه، د لوړو زده‌کړو وزارت یو رسمي پلاوی هم حاضر و، چې د آزموينې بهير يې له نږدې څاره.

 د آزموینې تر پیل دمخه، د ملي لوړو زده‌کړو موسسې رئیس، پوهندوی خالد احمد حبيب، د دې ستر علمي فرصت په مناسبت ټولو گډون‌والو ته هرکلی ووايه، نوموړي په خپله وينا کې داوطلبانو ته ډاډ ورکړ چې ملي د استعدادونو د غوړېدو او د روڼ سبا د جوړولو لپاره يو ژمن اکاډميک چاپېريال لري او پر ملي د دوی کړی باور به تر پايه ساتي، نوموړي زياته کړه: موږ له تاسې ټولو مننه کوو چې د خپل علمي برخليک ټاکلو لپاره مو پر ملي باور وکړ، دا اعتماد موږ ته مسووليت راکوي، تر څو د زده‌کړو بهير لا معیاري، باکيفيته او شفاف کړو او په دې لاره کې به تاسې ته هره ممکنه آسانتيا برابروو.

 وروسته آزموينه پيل شوه، چې نظارتي پلاوي، د ملي رهبرۍ او استادانو پروسه تر پايه په دقت وڅارله.

 د ازموينې په پای کې گډون‌والو د ملي د ادارې له خوا د برابر شوي چاپېريال، روڼتيا او نظم ستاينه وکړه او هيله يې وښوده چې د خپلې خوښې څانگو ته به بريالي شي.

 د ملي مؤسسې رهبري ډاډ ورکوي، چې د ازموينو پايلې به په شفافه توگه اعلان شي، تر څو چا ته خپل حق ورسيږي.

هغو کسانو چې په دې آزموينه کې گډون ونه‌شو کړای، کولای شي بلې آزموينې لپاره سر له همدا اوسه نوم‌ليکنه وکړي.

 ټاکل شوې متفرقه کانکور د زمري يا اسد په 17 نېټه ترسره شي.