د وېب‌پاڼې د کمېټې ناسته

د وېب‌پاڼې د کمېټې ناسته؛ (د ملي پوهنتون وېب‌پاڼه به معلوماتو ته د لاس‌رسي هراړخيزه سرچينه وي.)

د ملي پوهنتون د وېب‌پاڼې کمېټې ناسته د پوهنتون د رييس، پوهندوی خالد احمد حبيب په مشرۍ جوړه شوه، چې د علمي چارو مرستيال او د کمېټې غړو هم ګډون درلود.

 په ناسته کې د وېب‌پاڼې د نوښتونو، تازه بدلونونو او د لوستونکو لپاره د آسانتياوو د رامنځ‌ته کولو په اړه مفصل بحث وشو، د ملي پوهنتتون رييس، پوهندوی خالد احمد حبيب پر دې ټينګار وکړ چې وېب‌پاڼه باید د محصلانو، استادانو او عامو کاروونکو لپاره په اسانه توګه د لاسرسي وړ وي، معلومات یې روښانه، هراړخيز او د پوهنتون ټولو فعالیتونو ته جامع لاسرسی برابر کړي.

 ښاغلي حبيب زياته کړه، سره له دې چې د ملي وېب‌پاڼه د ګرافيک او منځ‌پانګې له اړخه ډېره غني ده، اما دا غنامندي بايد همدومره محدوده نه‌شي، بلکې دا باید د پوهنتون د اهدافو او د محصلانو د معلوماتي اړتیاوو د پوره کولو لا مهمه وسیله شي.

 ياده دې وي، چې د ملي پوهنتون وېب‌پاڼه په وروستيو کې له نويو بدلونونو سره پرانېستل شوې ده، چې پر ګرافيکي جذابيت سربېره، د وېب‌پاڼې ټول اړخونه د پوهنتون د نوښتونو، ادارې چارو اکاډميکو برنامو، او محصلانو د فعالیتونو سره سم اپډېټ شوي، دا وېب‌پاڼه به په دوامداره توګه له نويو بدلونونو او تازه معلوماتو سره تازه کېږي، ترڅو د پوهنتون ټولې څانګې، استادان، محصلان او آن بهرني مخاطبان يې د تازه معلوماتو او اطلاعاتو ته په اړه باخبره وساتل شي.