د ستوماتولوژي پوهنځي د کريکولم د بياکتنې ناسته وشوه.

د ملي پوهنتون د ستوماتولوژي پوهنځي د کريکولم د بياکتنې ناسته د ياد پوهنځي د رئيس، ډاکتر بشير احمد حبيب تر مشرۍ لاندې وشوه، چې په کې د پوهنځي علمي غړو د نصاب محتوا او د نويو علمي معيارونو په رڼا کې د نصاب د اصلاح او تازه‌کولو پر اړينو ټکو بحث وکړ.

 استادانو خپلې علمي مشورې او نظرونه وړاندې کړل، ترڅو د کريکولم د اصلاح بهير لا پياوړی او د طبي زده‌کړې له عصري اړتياوو سره برابر شي.

 د ستوماتولوژي پوهنځي هڅه دا ده، چې نصاب د معاصرې طبي زده‌کړې له اصولو سره همغږی او د محصلانو د مسلکي وړتيا د لوړولو لپاره لا اغېزناک شي.