د ملي علمي – څېړنيز ژورنال تازه ګڼه چاپ شوه.

د ملي علمي ـ څېړنیز ژورنال د دوهم کال لومړۍ ګڼه له ښکلي صحافت سره چاپ شوه، چې په کې د فارمسي، معالجوي طب، عامې روغتیا او ستوماتولوژي څانګو د تخصصي تجربو او علمي څېړنو پر بنسټ د هېواد د څېړونکو ۱۳ علمي ـ څېړنیزې مقالې خپرې شوې دي.

دغه ګڼه د ملي او نړۍوالو علمي معیارونو په رڼا کې، په پوره دقت ترتیب شوې، چې د علمي تولید، څېړنیزې ودې او د پوهې شریکولو په برخه کې د پوهنتون ژمنتیا ښيي، علاقمندان کولی شي، د مجلې هارډ بڼه د پوهنتون د نشراتو له څانګې څخه ترلاسه کړي او همدارنګه د مجلې بشپړ PDF فایل د ملي ژورنال له رسمي وېب‌پاڼې او د لوړو زده‌کړو وزارت د څېړنې او علمي مجلو ریاست له وېبپاڼې څخه د ورکړل شویو لېنکونو له لارې ښکته کړي:

https://mili.edu.af/en/publication/journal/issue/journals-2nd-volume-2nd-issue

https://journals.edu.gov.af/#/issue/364

له موقع څخه په ګټنې، د اړوندو طبي څانګو ټولو څېړونکو ته سر له اوسه بلنه ورکوو، چې خپلې علمي ـ څېړنیزې مقالې د ملي مجلې د اصولو او معیارونو له مخې د راتلونکو ګڼو د خپرېدو په موخه راولېږي، لا نورو معلوماتو لپاره کولای شئ، لاندې ادرس ته مراجعه وکړئ او یا هم زموږ سره د  برېښنالیک له لارې اړیکه ونیسئ.

https://mili.edu.af/en/publications/research/journals/journals

mili.m.journal@mili.edu.af