له ملي موزيم څخه د کنفرانس د ګډونوالو ليدنه
د ملي پوهنتون له لوري د درملو د
منطقي کارونې او راتلونکي ليدلوري په تړاو د ملي علمي – څېړنيز کنفرانس لومړۍ ورځ،
د علمي ويناوو او څېړنيزو مقالو له بريالۍ ارايې وروسته، په يوه فرهنګي او تاريخي
برنامې پای ته ورسېده.
د کنفرانس ګډونوالو، چې پهکې علمي
شخصيتونه، استادان، څېړونکي او د بېلابېلو برخو استازي شامل وو، د ورځې په پای کې
ملي موزيم له نږدې وکوت.
له موزيم څخه په دې ليدنه کې ګډونوالو
د افغانستان د تاريخ، تمدن او فرهنګي ميراثونو بېلابېلې برخې له نږدې وکتلې، د
موزيم مسؤلينو د لرغونو اثارو، تاريخي توکو او فرهنګي ميراثونو په تړاو هر اړخيز
معلومات وړاندې کړل او د هېواد د تمدني شاليد ارزښتونه يې ګډونوالو ته تشريح کړل،
ګډونوالو د ملي پوهنتون له لوري د دې علمي ليدنې د فرصتبرابرولو ستاينه وکړه او
دا چاره يې د علمي بحثونو تر څنګ د فرهنګي غنامندۍ په برخه کې مهم وباله.
دوی ټينګار وکړ، چې ټول اکاډميک
مرکزونه بايد د علمي کنفرانسونو د دايرولو پر مهال بايد د مسلکي بحثونو تر څنګ، د
هېواد د تاريخي او فرهنګي ارزښتونو د پېژندنې لپاره هم زمينه برابره کړي، تر څو د
فکري تبادلې، ملي هويت د پياوړتيا او فرهنګي تنوع ته زمينه مساعده شي.
ټاکل شوې، چې د ملي کنفرانس دويمه
او وروستۍ ورځ به سبا (پنجشنبه) د ګڼو مقالو، تخصصي بحثونو او عملي وړانديزونو په
وړاندې کولو سره دوام ولري، تر څو د درملو د منطقي کارونې په برخه کې اغېزناکې
پايلې ترلاسه شي.
