د ملي پوهنتون له لوري د څېړنو د بنسټونو په تړاو دوهمياشتنی ورکشاپ پيل شو.
د ملي پوهنتون د څېړنې او علمي مجلې ریاست له لوري، د
افغان نړۍوال اسلامي پوهنتون د درې تنو مخکښو او مجربو استادانو په همکارۍ، د ملي پوهنتون د درېیو
پوهنځیو او د اته بېلابېلو خصوصي طبي پوهنتونونو د څېړنو د برخو د مسوولینو لپاره،
د څېړنې درې میاشتنی عملي او نظري کورس پیل شو.
د یاد کورس د پرانیستې پر مهال د ملي پوهنتون رییس، پوهندوی خالد احمد حبیب وویل، چې دا کورس د ملي پوهنتون د ستراتیژیک
لیدلوري هغه مهمه برخه ده، چې له مخې یې غواړي دا اکاډمیک بنسټ له تدریسمحور مرکز څخه په تدریجي ډول یو پیاوړي
څېړنیز مرکز ته واوړي، نوموړي د دې
ډول علمي پروګرامونو پر ارزښت ټینګار وکړ او د کورس له تنظیموونکو، استادانو او ګډونوالو
څخه یې مننه وکړه.
ورپسې د ملي پوهنتون د څېړنې او علمي مجلې رییس، عزیزاحمد
فضلی، د کورس د مهالوېش، موخو،
د ګډونوالو
علمي مکلفیتونو، منځپانګې
د تطبیق میکانیزمونو او د ګډونوالو د ونډې په اړه معلومات وړاندې کړل.
په پای کې، کورس د ټاکلې اجنډا له مخې د افغان نړۍوال اسلامي پوهنتون د استاد،
پوهنوال دوکتور بلال احمد رحیمي، له لوري په رسمي ډول پیل او د لومړۍ ورځې درس وړاندې
شو.
